من طرف :P
عندى كام استفسار ينفعوا مسابقة ثقافية
أولاً نخلِص أنا وانتوا أفعالنا والنِيّة
وكلها بعنوان ماذا يحدث أو إيه اللى هيحصل ليكوا أو ليّا ؟؟
1ـ لو خففنا من الدروس الخصوصية وسيبنا ولادنا على قِواهم العقلية
2ـ لو اتكلمنا بس العربية وعدّلنا لساننا وبلاش اللكنة الغربية
3ـ لو اعتزِّينا بديننا وهويتنا الإسلامية
4ـ لو نسينا البورجر والبيتزا والأكلات السخنة المقلية
5ـ لو رجعنا للثريد وأكلاتنا الصابحة الشرقية
6ـ لو اتمشينا على أقدامنا وبلاش بس العربية
أهو منها توفير لأموالنا وكمان عاده جميلة رياضية
7ـ لو حبينا بعضنا والكره نخلّيه لأمريكا والمملكة البريطانية
8ـ لو بطلنا أفلام عرى والإثارة التليفزيونية
9ـ لو سِتاتنا اتغطوا شوية محلا الست المدارية
كام جريمة خطف هتحصل واغتصاب .. دى الخيبة قوية
10ـ إذا قاطعت أنا وانت وهى البضاعة الأمريكية
مش قصدى إننا نتحول على الصين الشيوعية
وقت الجد ملة واحدة لضرب الأمة الإسلامية
11ـ لو بطّل أولادنا الشيبسى والكولا وعملوا حصّالة منزلية
تشجعهم على الصدقة بمصروفاتهم اليومية
12ـ لو طفينا السخانات وقمت الفجر غسلت جسمك من الحنفية
13ـ إذا قعدنا أسبوع كامل ناكل عيش حاف ومعاه المَيّة
ولو سألونا ولادنا نقول: فى بعض البلدان ، ده هو درب من الرفاهية
14ـ لو فتحت شبابيك بيتكوا ونمت وعيلتك من غير غطا أو بطانية
15ـ لو عملنا لروحنا ريجيم ... قصدى حمّية وطبخنا نص الكمية
لو استغربت على أسئلتى تبقى فى نومة ومش راح تصحى ولا العصرية
ولو كشرت ومصمصت شفايفك يبقى فيه أمل بعد 6 قرون أو شوية
ولو حاولت تجرب على نفسك يبقى كويس
وابعت لى الحل على مستشفى العباسية
أو عنوانى التالى
com.ضمايرنا المسترخيه .www
.
عدل سابقا من قبل بنت الكرام في الأربعاء سبتمبر 10, 2008 2:33 am عدل 1 مرات
